Shavkat Mirziyoev Hindiston Prezidentiga hamdardlik bildirdi

O‘zbekiston Respublikasi Prezidenti Shavkat Mirziyoev Hindistonda yuz bergan kuchli suv toshqinlari hamda Uttar-Pradesh shtatida sodir bo‘lgan temir yo‘l halokati oqibatida ko‘plab insonlarning qurbon bo‘lgani va jarohat olgani munosabati bilan Hindiston Respublikasi Prezidenti Ram Nath Kovindga chuqur hamdardlik bildirdi. Bu haqda O‘zbekiston Respublikasi Prezidenti matbuot xizmati xabar bergan.

Eslatib o‘tamiz, o‘tgan hafta yakunida Hindiston shimolida kuzatilgan kuch suv toshqinlari oqibatida 200 dan ziyod kishi qurbon bo‘lgan edi. Tabiiy ofat shuningdek, Nepal va Bangladeshda ham katta talofatlarni keltirib chiqargan.