Shifokorlar o‘pkasi 100 foiz zararlangan bemorning hayotini saqlab qolishdi

Moskvada Sklifosovskiy nomidagi ilmiy-tadqiqot instituti shifokorlari o‘pkasi 100 foiz zarar ko‘rgan bemorni davolashdi, deb xabar bermoqda poytaxt ijtimoiy rivojlanish majmuasining telegram kanali.

Rasmiylarning so‘zlariga ko‘ra, u deyarli uch hafta davomida intensiv terapiyada yotgan, shu vaqt ichida holati barqarorlashgan va keyin oddiy bo‘limga o‘tkazilgan. Asosiy terapiya bilan bir vaqtda u maxsus muolaja ham olgan.

Kasalxonada ayol ikki oy davolangan va hozir uyga ketishga tayyorlanmoqda.

Kasalxonaga yotqizilishidan oldin ayol uzoq vaqt o‘z-o‘zini davolagan va bu uning ahvolini yanada og‘irlashtirgan.