Shohruhxon muxlislarini ogohlikka chorladi

Estradamiz yulduzi, xalqimizning sevimli xonandasi Shohruhxon kuni kecha ijtimoiy tarmoqlar orqali o‘z muxlislarini ogohlikka chorladi. Ma’lum bo‘lishicha, uning fevral oyida bo‘lib o‘tadigan yakkaxon konsert dasturi uchun qalbaki chiptalar tayyorlangan va sotuvi yo‘lga qo‘yilgan. Bundan xabar topgan xonanda soxta chipta fotosuratini ommaga namoyish qildi va barchadan firibgarlarga aldanib qolmasliklarini so‘radi.