Tatyana va Lola Karimovalar Islom Karimov qabrini ziyorat qildi

Kecha, 30 yanvar kuni O‘zbekistonning barcha hududlarida mamlakatning Birinchi Prezidenti Islom Karimov tavallud sanasi keng nishonlandi. Toshkent va Samarqand shaharlarida Islom Karimov xotirasiga ehson oshlari berildi.

O‘zbekiston Respublikasi Prezidenti Shavkat Mirziyoev, Islom Karimovning rafiqasi va qizi Tatyana hamda Lola Karimovalar Samarqand shahriga tashrif buyurdi va Islom Karimov qabrini ziyorat qilishdi.

Tatyana va Lola Karimovalar Islom Karimov qabriga gullar qo‘yishdi. Shundan so‘ng Birinchi Prezidentimiz Islom Karimov ruhi poklariga Qur’on tilovat qilindi.