Toshkent tibbiyot akademiyasining rektori o‘zgardi

Toshkent tibbiyot akademiyasining rahbari almashdi. Tibbiyot fanlari doktori, professor Laziz To‘ychiev Oliy ta’lim muassasasining yangi rektori etib tayinlandi. Toshkent tibbiyot akademiyasining rasmiy saytida 46 yoshli Laziz Nodirovich To‘ychievning tabrigi e’lon qilindi.
 
Bundan avval Laziz To‘ychiev 2014 yil yanvar oyidan O‘zbekiston Respublikasi Sog‘liqni saqlash vaziri o‘rinbosari lavozimida ishlagan.
 
Toshkent tibbiyot akademiyasining rektorlik vazifasini so‘nggi 10 yildan ortiq vaqt mobaynida 71 yoshli Shavkat Karimov bajarib kelgandi.
 
Ba’zi manbalarga ko‘ra, O‘zbekiston Respublikasi Sog‘liqni saqlash vazirining o‘rinbosari lavozimini avval Xotin-qizlar qo‘mitasi raisi vazifasini bajarib kelgan Elmira Bositxonova egallagan.

Durdona Rasulova