Ulug‘bek Azizov Toshkent moliya instituti rektori lavozimiga tayinlandi

Toshkent moliya instituti rektori lavozimiga Azizov Ulug‘bek O‘ktamovich tayinlandi, deya xabar bermoqda Oliy va o‘rta maxsus ta’lim vazirligi matbuot xizmati.

Tayinlov O‘zbekiston Respublikasi Vazirlar Mahkamasining 2018-yil 3-sentabrdagi tegishli qaroriga muvofiq amalga oshirilgan.

Azizov Ulug‘bek O‘ktamovich 1976-yilda Qashqadaryo viloyatida tug‘ilgan, ma’lumoti oliy, 1998-yilda Toshkent moliya institutini, 2007-yilda Yokogama Milliy universiteti (Yaponiya)ni tamomlagan. Iqtisod fanlari nomzodi, dotsent.