Uyg‘ur qo‘shiqchisi Gulsanam Mamazoitova bilan duet kuylash uchun Toshkentga keldi

O‘zbekiston xalq artisti Gulsanam Mamazoitovaning har bir qo‘shig‘i muxlislar qalbidan joy olib ulguradi. Ayniqsa, duetlar bu borada e’tiborga molik.

Xonanda bu safar uyg‘ur qo‘shiqchisi Mo‘minjon Ablekim bilan birgalikda “Sevgilim” nomli ashulani kuyladi. Bu haqda Mamazoitovaning ma’muri “Qalampir.uz” saytiga ma’lum qildi.

Duet ijro etish taklifi Ablekimdan chiqqan va taronaga klip suratga olish uchun Xitoydan Toshkentga tashrif buyurgan. Klip tabiat qo‘ynida, suv bo‘yida tasvirga olindi. Bugun tasvirga olish ishlari yakunlandi.

Tez kunlarda klip premerasi taqdim etiladi.

Sumbula