Xosep Gvardiola: “Men “Liverpul”ga ularning murabbiyidan koʻra koʻproq ishonaman”

Pep Gvardiolaning fikricha, u “Liverpul”ga Yurgen Kloppdan koʻra koʻproq ishonadi.

Taxminan ikki hafta oldin mersisaydliklar bosh murabbiyi “Liverpul” endi Premyer-liga chempionligi uchun kurashda ishtirok etmasligini aytgan edi.

“Men “Liverpul”ga ularning murabbiyidan koʻra koʻproq ishonaman. Jahon chempionati oldidan bor-yoʻgʻi oʻn tur oʻtdi va bir qator oʻyinlar, jumladan, Yevropa musobaqalari, kubok turnirlari, jarohatlar...

Agar 6-7 oʻyin qolgan boʻlganida edi, “ha, Liverpul chempionlik poygasidan chiqib ketgan”, deb aytish mumkin. Ammo bor-yoʻgʻi 10 ta oʻyin boʻldi – hatto, hali ham milliardlab narsa sodir boʻlishi mumkin”, – dedi “Manchester Siti” bosh murabbiyi.

Maʼlumot uchun, 10 ta oʻyindan soʻng “Liverpul” 16 ochko bilan Premyer-ligada 7-oʻrinda bormoqda, ikkinchi oʻrindagi “Siti” hisobida 23 ochko mavjud.