Yer aholisi soni 8 milliardga yetdi – BMT

Bugun, 15-noyabr kuni Yer sayyorasi aholisi soni 8 milliard kishiga yetdi. Bu haqida BMT matbuot xizmati xabar berdi.

“Bu insoniyat taraqqiyotidagi tarixiy bosqichdir”, – deyiladi xabarda.

Bundan bor-yoʻgʻi 12 yil avval Yer aholisi soni 7 milliard kishini tashkil qilgan. BMT hisob-kitoblariga koʻra, 2037-yilga kelib, 9 milliardlik koʻrsatkich ham qayd etiladi.

Maʼlumot uchun, bugungi kunda Yer aholisining 18,1 foizi Xitoyda (1,4 milliard kishi), 17,7 foizi Hindistonda hayot kechiradi. AQSh hududida yashovchi fuqarolar soni esa 336 million kishini tashkil etadi.