“Abu-Saxiy”dagi ko‘pqavatli avtoturargohda avtomobil yonib ketdi

Joriy yilning 27-oktyabr kuni taxminan soat 6:52 larda “Tashkent trade center” (“Abu-Saxiy”) savdo markazi hududida joylashgan ko‘p qavatli avtoturargohning 5-qavatida avtoulovining dvigatel qismida texnik nosozlik sababli qisqa tutashuv bo‘lgan. Natijada, avtoulovning kapot ostidagi elektr simlarida yong‘in kelib chiqqan.

Qayd etilishicha, mazkur holat korxona yong‘in xavfsizligini ta’minlash xodimlari tomonidan soat 7:10 larda bartaraf etilgan.

Yong‘in oqibatida hech kimga tan jaroxati yetmagan, shuningdek, bino va atrofdagi boshqa avtoulovlarga ham zarar yetkazilmagan.