“Kamaz” bilan to‘qnashgan “Nexia” yonib ketdi

Bugun, 16-noyabr kuni soat taxminan 09:15 da Toshkent viloyati Zangiota tumani hududidan o‘tuvchi M-39 avtomobil yo‘lining 818-kilometrida YTH sodir bo‘ldi.

Qayd etilishicha, 1981-yilda tug‘ilgan haydovchi Z.Gʻ. “Nexia-2” avtomobilida oldinda qayrilayotgan, 1995-yilda tug‘ilgan I.R. boshqaruvidagi “Kamaz” yuk avtomobilining shina qismiga borib urilgan. Zarba oqibatida “Nexia-2” avtomobilida yong‘in kelib chiqqan.

Yong‘in o‘t o‘chiruvchilar tomonidan zudlik bilan bartaraf etilgan. Ma’lum qilinishicha, to‘qnashuv va yong‘in oqibatida hech kim tan jarohati olmagan.