Qashqadaryoda Nexia kanalga tushib ketdi

Qashqadaryo viloyati FVB axborot xizmatining ma’lum qilishicha, qutqaruv xizmatiga 26-noyabr kuni tongi soat taxminan 03:30 larda Kasbi tumani “Nazartepa” mahallasidagi kanalga yengil avtomobil tushib ketganligi toʻgʻrisidagi xabar berilgan.

Xabarga koʻra, voqea joyiga tuman FVB va IIB masʼullari yetib borishib, holatni oʻrganishgan.

Roʻy bergan vaziyat oqibatida tan jarohati olganlar yoʻqligi maʼlum boʻlgach, kanaldagi “Nexia-1” rusumli transport vositasi maxsus texnika yordamida olib chiqilgan.

Maʼlum boʻlishicha, mazkur transport vositasi Nishon tumanida yashovchi 1985 yilda tugʻilgan fuqaro A.A ga tegishli (mast holda) boʻlgan.