Andijondagi jome masjidda yong‘in sodir bo‘ldi

Shu yilning 19-oktyabr kuni soat 13:59 da Marhamat tumani Favqulodda vaziyatlar bo‘limi 20-Yong‘in qutqaruv qismiga Marhamat tumani “Gar-gar” MFY Malham ko‘chasi 1-uyda joylashgan “Obidjon Botirov” jome masjidida yong‘in sodir bo‘lganligi bo‘yicha xabar kelib tushgan.

Marhamat tumani FVB 20-YOQQning 1-2-jangovar bo‘linmasi soat 14:06 da voqea joyiga yetib borganida masjidning alangalanayotganini ko‘rishadi va yong‘indagi vaziyatni o‘rganib, yong‘inning maydonidan kelib chiqqan holda Asaka tumani FVB va Buloqboshi tumani FVBlaridan qo‘shimcha yordam chaqirildi. Yong‘in-qutqaruv bo‘linmalari zudlik bilan yong‘inni o‘chirishga kirishishgan.

Soat 14:09 da yong‘in o‘rab olinib, soat 14:35 da yong‘in qutqaruvchilar tomonidan butunlay bartaraf etilgan. Yong‘inga 5 ta Yong‘in qutqaruv ekipajlari jalb etilgan.