Bugun kunduzi O‘zbekistonga nam havo massalari kirib keladi

Bugun kunduz kuni O‘zbekiston bo‘yicha nam havo massalari kirib kelishi kutilmoqda. Toshkent, Samarqand, Jizzax, Sirdaryo, Buxoro, Navoiy, Qashqadaryo viloyatlarida biroz yomg‘ir yog‘ishi mumkin. Ba’zi joylarda shamol tezligi 17-22 m/s gacha kuchayadi. Havo harorati 13-18° iliq, shimolda 9-14° iliqgacha bo‘ladi.

Poytaxtimizda biroz yomg‘ir yog‘adi. Shamol 5-10 m/s tezlikda esadi. Harorat 15-17° iliq bo‘ladi.

Respublikaning tog‘ oldi va tog‘li hududlarida vaqti-vaqti bilan yomg‘ir yog‘adi, baland tog‘larda yog‘ingarchilik (yomg‘ir, qor) bo‘ladi. Shamol 7-12 m/s tezlikda esadi, ba’zi joylarda 15-20 m/s gacha kuchayishi mumkin. Havo harorati 7-12° iliq atrofida bo‘ladi.