Dunyoda yana bir noxush rekord o‘rnatildi

O‘tgan bir kecha-kunduzda jahon bo‘yicha koronavirusni yuqtirib olganlar soni qariyb 294 ming kishiga ko‘paydi. Bu haqda Jahon sog‘liqni saqlash tashkiloti ma'lum qilgan.

So‘nggi 24 soat ichida dunyoda rekord darajadagi 294 237 ta yangi koronavirusni yuqtirish holati qayd etildi. Bu pandemiya boshlangandan beri eng yuqori ko‘rsatkich hisoblanadi.

Umumiy kasallanganlar soni 21 295 429 kishiga yetdi. 767 714 bemor vafot etdi, shulardan 9985 nafari shu kecha-kunduzda hayotdan ko‘z yumishdi.