Farg‘onadagi sexda portlash. Qurbonlar bor

23 fevral soat taxminan 16:30 da Farg‘ona viloyati Farg‘ona shahrida joylashgan “Farg‘onaazot” OAJ hududidagi ammiak sexida olib borilayotgan qurilish-montaj ishlari davomida portlash yuz berdi. Bu haqda O‘zbekiston Respublikasi Favqulodda vaziyatlar vazirligi Matbuot xizmati xabar bermoqda.
 
Ma’lumotlarga ko‘ra, yuz bergan falokat sabab qurbonlar mavjud. Hozircha ularning shaxsi va soni haqida aniq ma’lumotlar keltirilmagan.
 
Ayni vaqtda jabrlanganlar va ularning oilalariga zaruriy yordam ko‘rsatilmoqda. Noxush voqea sababini aniqlash bo‘yicha hukumat komissiyasi tuzildi.

Durdona Rasulova