Final: Madrid jamoasi Yevropa ligasi g‘olibiga aylandi

Madridning “Atletiko” klubi o‘z tarixida 3-marta Yevropa ligasi musobaqasida g‘olib chiqdi. Ispaniyaliklar finalda Fransiyaning “Marsel” klubiga qarshi maydonga tushdi va Liondagi stadionda raqiblari darvozasiga javobsiz uchta gol urdi.

“Atletiko”ning gollariga Antuan Grizmann (2 ta) va Gabilar mualliflik qilishdi. Shu tariqa, “Atletiko” 2009/10, 2011/12, 2017/18 yil mavsumlarida g‘alaba qozonib bu borada “Sevilya” bilan tenglashib oldi.

Evropa ligasi, final.
“Marsel” – “Atletiko” 0:3.
Gollar: Grizmann (21, 49), Gabi (89).

“Marsel”: Mandanda, Sarr, Rami, Amavi, Payet (Lopes, 32), Luis Gustavo, Okampos (N`Ji, 55), Zambo-Angissa, Toven, Sanson, Jermen (Mitroglu, 74).

“Atletiko”: Oblak, Ximenes, Lyuka Ernandes, Vrsalko (Xuanfran, 46), Godin, Koke, Gabi, Saul, Korrea (Parti, 88), Diego Kosta, Grizmann (Torres, 90).

Ogohlantirishlar: Vrsalko (23), Amavi (38), Luis Gustavo (75), N`Ji (78), Lyuka Ernandes (78).

Akmalxon Eshonxonov