«Forsaj» bo‘yicha multserial suratga olinadi

«Netflix» kompaniyasi «DreamWorks Animation Television» bilan hamkorlikda «Forsaj» bo‘yicha animasion serial suratga olish niyatida. Kompaniyalar o‘rtasida hamkorlik shartnomasi ayni damda imzolab bo‘lingan. Bu haqda «Korrespondent.net» xabar bermoqda.

Kutilayotgan multserial bosh qahramoni Dominik Torettoning amakivachchasi bo‘lib, u ham o‘z qarindoshining yo‘lidan boradi. Qahramon hukumat tomonidan poygalar uyushtiruvchi jinoiy guruhning ichiga kiritiladi va ularga qarshi kurashadi.

Ijodkorlar asosiy urg‘uni o‘smirlar auditoriyasiga bermoqda. Hozircha serialning qachon taqdim etilishi noma’lum.