IIBB tarqalgan attraksionning to‘xtab qolgani videosiga izoh berdi

Internet tarmog‘ida attraksionning to‘xtab qolgani tasvirga tushirilgan video tarqaldi. 

Toshkent shahar IIBB ma’lumotiga ko‘ra, videoda 2021-yil 22-iyun kuni «ANHOR» parkidagi attraksionning texnik ko‘rikdan o‘tkazilayotgani tasvirga olingan.

«Tasvirga tushgan odamlar - park ishchilaridir. Bu vaqtda parkda sayr qiluvchi fuqarolar bo‘lmagan. Bir oz vaqtdan so‘ng attraksionda profilaktik ishlar tugagach u yana ishga tushiriladi», — deyiladi xabarda.