Jizzaxlik erkak mahalladosh ayolni pichoqladi

Jizzaxda erkak mahalladosh ayolni pichoqladi. Bu haqda viloyat IIB xabar berdi.

Qayd etilishicha, Jizzax shahri Ittifoq mahallasida yashovchi, turmushidan ajragan ayolni o‘ziga tanish mahalladoshi tunlari ijtimoiy tarmoqda allakim bilan xabarlashayotganini sabab qilgan va oshxona pichog‘i bilan qorin qismiga bir marta urib, tan jarohati yetkazgan.

Oqibatda jabrlanuvchi qorin sohasining sanchilib kesilishi tashxisi bilan Respublika shoshilinch tibbiy yordam ilmiy markazi jonlantirish bo‘limiga yotqizilgan.

Jizzax viloyati IIB axborot xizmati xabariga ko‘ra, holat yuzasidan jinoyat ishi qo‘zg‘atilgan. Shuningdek, gumonlanuvchi protsessual tartibda ushlanib, vaqtincha saqlash hibsxonasiga joylashtirilgan.