Messi JCh-2022 oldidan “oltin butsalar” da mashgʻulot oʻtkazdi

Argentinalik yulduz maxsus ishlab chiqarilgan butsalardagi ilk uchrashuvini chorshanba kuni oʻtkazadi.

Argentina terma jamoasi Qatarda boʻlib oʻtadigan Jahon chempionatiga tayyorgarlik doirasida ilk mashgʻulotini oʻtkazdi.

Dushanba kuni BAAdagi “Al Nahayan” stadionida boʻlib oʻtgan ochiq mashgʻulotda 10 000 ga yaqin odam, jumladan, Argentina futbol assotsiatsiyasi prezidenti Klaudio Tapiya ham qatnashdi.

Lionel Messi Adidas tomonidan jahon chempionati uchun maxsus ishlab chiqarilgan yangi “oltin butsalar”da mashq qildi.

Qayd etish mumkin, Messi chorshanba kuni yangi butsadagi ilk uchrashuvini oʻtkazadi. Unda Argentina terma jamoasi BAA terma jamoasi bilan oʻrtoqlik oʻyini oʻtkazadi.