Maktablarda dars tonggi 5 da boshlanishga chaqirildi - Dunyo xabarlari

Главная » » Maktablarda dars tonggi 5 da boshlanishga chaqirildi

16:21 Maktablarda dars tonggi 5 da boshlanishga chaqirildi
Indoneziyaning Sharqiy Nusa Tenggara (NTT) provinsiyasidagi davlat o‘rta maktablari o‘quvchilari uchun ertalab soat 5:00 da dars mashg‘ulotlariga kelish talabi qo‘yilmoqda. Bu haqda “Coconuts Bali” nashri xabar berdi. Qayd etilishicha, Gubernator Viktor Layskodat boshchiligidagi provinsiya ma’muriyati Kupang viloyati markazidagi davlat o‘rta maktablarida dars vaqtini ertalab soat 5:00 da boshlash majburiyatini olgan yangi ta’lim siyosatini amalga oshirdi. Unga ko‘ra, bu o‘quvchilarda kurashuvchanlik xarakterini shakllantiradi. “Ular soat 22:00 da uxlab, ertalab soat 4:00 da uyg‘onishlari mumkin. Olti soat uxlash kifoya. 30 daqiqa yuvinishga, maktabga kelishi uchun esa 30 daqiqa ajratiladi. Shu tariqa o‘quvchilar ertalab soat 5 da maktabda bo‘lishlari mumkin. Buni amalga oshirishning asosiy sabablaridan biri o‘quvchilarimizni intizomli qilishdir”, deydi gubernator Viktor. Provinsiyaning Ombudsman idorasi Viktorni siyosatni qayta ko‘rib chiqishga chaqirdi, chunki darslar boshlanishini ertalabki 7:15 dan ertalabki 5:00 ga o‘tkazishdan hech kim naf ko‘rmaydi. “Men ushbu siyosat maktab qo‘mitalari va ota-onalar bilan yana muhokama qilinishini so‘rayman”, dedi Ombudsman rahbari Darius Beda Daton. Manba: "qalampir.uz"
1 2 3 4 5 Категория: Dunyo xabarlari \| \| Теги: tonggi 5, Maktab, boshlanishga, DA, chaqirildi, dars \| Рейтинг: 0.0/0