Mirobodda bankomatlardan qaytgan mablag‘larni talon-toroj qilgan kassirlar aniqlandi

Bosh prokuratura huzuridagi Departamentning Mirobod tuman bo‘limi tomonidan “Turonbank” ATBning murojaatiga asosan o‘tkazilgan tergovga qadar tekshiruvda, ushbu bank xizmatlari markazi kassa amaliyotlari bo‘limi kassiri J.D. va boshqa mas’ul shaxslari bank xizmatlari markaziga qarashli 10 dona bankomatdan qaytgan mablag‘larni tegishli tartibda kirim qilmasdan, soxta ma’lumotlar tuzish orqali jami 347,5 mln so‘m va 7 600 AQSH dollarini o‘zlashtirish yo‘li bilan talon-toroj qilganliklari aniqlangan.

Mazkur holat yuzasidan Jinoyat kodeksining 167-moddasi (o‘zlashtirish yoki rastrata yo‘li bilan talon-toroj qilish va 209-moddasi (mansab soxtakorligi) bilan jinoyat ishi qo‘zg‘atilib, tergov harakatlari o‘tkazilmoqda.