OAV: Apple kompaniyasi iPhone 8’ning uchta versiyasini chiqaradi

KGI Securities kompaniyasi tahlilchisi Min-Chi Kuo Apple kompaniyasi 2017-yilda iPhone 8’ning biryo‘la uchta versiyasini chiqarishini aytdi, deb yozadi“Korrespondent.net”. Ulardan biri OLED-ekranga ega bo‘ladi.

Uning prognoziga ko‘ra, ikkita model 5,5 dyuymli bo‘ladi. Ulardan biri OLED, ikkinchisi LCD-ekranga ega bo‘ladi. Ikkala versiyaga ham qo‘sh modulli kamera o‘rnatiladi.

Shuningdek, iPhone 8’ning 4,7 dyuymli kichik versiyasi ham bo‘ladi, u LCD-displey va oddiy bittalik kamera bilan jihozlanadi.

Egilgan korpus borasida esa, tahlilchi qurilmalar to‘liq shisha korpusga ega bo‘lishini taxmin qilmoqda.