Yangi iPhone 8‘ning qachon sotuvga chiqishi ma’lum bo‘ldi

Yangi smartfon Apple iPhone-8‘ning shu yil sentabr oyida taqdimoti bo‘lib o‘tishi mo‘ljallangan, sotuvga esa oktyabr oyida chiqadi.

Ishlab chiqaruvchilar iPhone‘ning yangi modelini inqilobiy deb atashmoqda. Smartfonning displeyiga ko‘z qorachig‘ini tanish va barmoq izlarini aniqlash funksiyasi o‘rnatilgan.

Moslama, shuningdek, orqa paneldagi ikkita kamera va oldida 3D kameraga ega. Yangi iPhone moslamani masofadan turib quvvatlantirish xususiyatiga ega bo‘lgan hoshiyasiz ekran va shisha korpus bilan jihozlangan.

Yangi smartfonning narxi haqida hozircha ma’lumotlar yo‘q.

Akmal Eshonxonov