Og‘abek va Anvar Sobirovlar oilasida og‘ir yo‘qotish

O‘zbek san’atidagi taniqli sulola – Sobirovlar oilasi og‘ir judolikka uchradi.
 
22 yanvar kuni O‘zbekistonda xizmat ko‘rsatgan artist Og‘abek Sobirov hamda xonanda Anvar Sobirovning onasi Bekposhsha aya 79 yoshida vafot etdi. Bu haqda Anvar Sobirov ijtimoiy tarmoqlardagi shaxsiy sahifasi orqali xabar berdi.

“Bizdan rozi bo‘ling, onajon...”, deb yozadi Anvar Sobirov. Xonandanig san’atdagi do‘stlari va muxlislari bu xabardan chuqur qayg‘uda ekanliklarini bildirib, ijtimoiy tarmoqlar orqali ta’ziya izhor etishmoqda.
 
Fursatdan foydalanib, tahririyatimiz nomidan Og‘abek va Anvar Sobirovlarning oila a’zolari hamda yaqinlariga hamdardlik bildiramiz.