Olimlar koronavirusga bir zumda immunitet hosil qilish usulini aniqladi

Buyuk Britaniyaning London universiteti kolleji olimlari koronavirusga qarshi immunitetni bir lahzada keltirib chiqaradigan yangi preparatni sinovdan o‘tkazmoqda. Bu haqda “The Guardian” nashri xabar berdi.

Dori “Storm Chaser” deb nomlanadi. U kollej tomonidan AstraZeneca farmatsevtika kompaniyasi bilan birgalikda ishlab chiqilgan.

Preparat ikki bosqichda qo‘llaniladigan SARS-CoV-2 ga qarshi antiktanachalarning kokteyli hisoblanadi. Bunday aralashmaning in’eksiyasiga qarshi immunitet bir necha kun ichida paydo bo‘lishi kutilmoqda. Taqqoslash uchun, boshqa vaksinalar bir oy ichida antitanachalarning rivojlanishiga yordam beradi.

“Storm Chaser” yaratuvchilarining ta’kidlashicha, agar tadqiqotlar muvaffaqiyatli yakunlansa, preparatni shifoxonalardagi bemorlar va qariyalar uyida yashovchilarga koronavirus yuqishining oldini olish uchun buyurtma qilish mumkin. Bundan tashqari, u ko‘pincha yotoqxonalarda gavjum yashaydigan talabalar orasida ishlatilishi mumkin.

Olimlar ushbu dori koronavirusdan olti oydan 12 oygacha saqlashini kutmoqda. Hozir inson klinik sinovlarining birinchi bosqichida o‘nta ko‘ngillilarga antitanachalarning kokteyli berilgan. Agar regulyatorlar tomonidan tasdiqlanadigan bo‘lsa, “Storm Chaser” bahorda muomalada paydo bo‘lishi mumkin.