Qariyb 800 ming quti “paqildoq” olib ketayotgan haydovchi fosh etildi

“Qamchiq” dovonida noqonuniy maxsulot olib ketayotgan haydovchi fosh etildi.

2022-yil 8-noyabr kuni soat 21:00 larda "Vodiy-Toshkent" yo‘nalishi bo‘ylab “Qamchiq” dovonidan o‘tgan avtomobil yo‘lida harakatlanib ketayotgan haydovchi, 1988-yilda tug‘ilgan I.S. boshqaruvidagi “Isuzu” rusumli yuk avtomobil YPX xodimlari tomonidan to‘xtatilib, tekshirilganda, tegishli hujjatlari bo‘lmagan, chet elda ishlab chiqarilgan 188 dona televizor hamda “Treniya” nomli 791 450 quti pirotexnika vositalari olib ketilayotganligi aniqlangan.

Holat tegishli tartibda rasmiylashtirilib, aniqlangan televizorlar hamda pirotexnika vositalari Pop tumani IIBga topshirilgan.