Rayhonning konsert dasturiga oz qoldi

O‘zbekistonda xizmat ko‘rsatgan artist Rayhon hozirda yaqinlashib qolgan yakkaxon konsert dasturiga katta tayyorgarlik ko‘rmoqda. U yangi qo‘shiqlar yaratish bilan birga dasturda taqdim etiladigan raqslar ustida ham tinim bilmay ishlamoqda. Ma’lumki, Rayhon har yili  konsert dasturida o‘zining kutilmagan raqslari bilan tomoshabinlarni lol qoldirib keladi. Bu  yil ham u avvalgilariga o‘xshamagan tryuklarni namoyish etishni rejalashtirgan. 

Bunda unga doimiy hamkori, do‘sti, mahoratli  xoreograf Elya  yaqindan ko‘mak bermoqda. Mazkur jarayon o‘ta qiziqarli va o‘ziga yarasha qiyinchilik bilan o‘tayotganini xonanda ijtimoiy tarmoqlarda joylashtirib borayotgan videolavhalardan ham ko‘rish mumkin. Qiziq, Rayhon bu yil konsertida qanday raqslarni namoyish etar ekan? Buni albatta dasturni kuzatib bilib olamiz. Hozircha yangiliklarimizda kuzatishda davom eting.