Shavkat Mirziyoev Ispaniya qiroliga hamdardlik bildirdi

O‘zbekiston Respublikasi Prezidenti Shavkat Mirziyoev Ispaniya Qiroli Filip VI ga Barselona shahridagi terroristik xurujda bir qancha insonlar halok bo‘lgani sababli ta’ziya bildirdi.

Prezident qurbon bo‘lganlarning oila a’zolari va yaqinlariga hamdardlik so‘zlarini izhor etdi, jarohatlanganlarga tez fursatda sog‘ayishni tiladi.

Avvalroq, 17 avgust kuni Ispaniyaning Barselona shahridagi sayyohlar ko‘p harakatlanadigan Rambla ko‘chasida mikroavtobus yo‘lovchilar ustiga bostirib borgani, buning natijasida 13 kishi halok bo‘lgani hamda 100 ga yaqin odam jiddiy jarohatlangani haqida xabar bergan edik.

Zohirshoh Jo‘raev