Tezkor: Habib Nurmuhamedov Toshkentga keldi

Bugun, 1 dekabr kuni tunda rossiyalik aralash kurash jangchisi, UFC chempioni Habib Nurmuhamedov Toshkentga keldi.

Hozircha uning O‘zbekistonga navbatdagi tashrifi sabablari ma’lum emas. Bugun O‘zbekiston Milliy olimpiya qo‘mitasida Nurmuhamedov ishtirokida matbuot anjumani bo‘lib o‘tadi.

Qayd etish kerakki, Habib birinchi bor O‘zbekistonga tashrif buyurayotgani yo‘q. U 2019 yilning noyabr oyida ham O‘zbekistonda bo‘lgandi. O‘shanda poytaxt Toshkentda MMA bo‘yicha GFC-20 musobaqasi o‘tkazilgan.