Главная » 2022 » Сентябрь » 20 » Toshkentdagi ko‘prikda yuk mashinasi ag‘darildi

---

15:51 Toshkentdagi ko‘prikda yuk mashinasi ag‘darildi

Ijtimoiy tarmoqlarda Toshkentdagi ko‘priklarning birida yuk mashinasi ag‘darilib ketgani haqida xabarlar tarqalgandi. Toshkent shahar Ichki ishlar bosh boshqarmasi matbuot xizmati hodisa haqida maʼlumot berdi. Aniqlik kiritilishicha, bugun, 20 sentabr kuni taxminan soat 10:30 larda Yakkasaroy tumani KHAY ko‘chasidagi ko‘prik ustida haydovchi, 1975 yilda tug‘ilgan V.A. boshqaruvidagi HOWO ZZ3 rusumli yuk avtomobilida qurilish chiqindilarini ortib ketayotgan vaqtida ko‘prik ustida boshqaruvni yo‘qotib, ko‘prikning chetki qismiga ag‘darilgan. Oqibatda haydovchi V.A. “chap qo‘l tirsak sohasi ezilib yirtilgan jarohati” bilan shifoxonaga olib borilgan. Hozirda holat yuzasidan tergovga qadar tekshiruv o‘tkazilmoqda.   Manba: "qalampir.uz"

1 2 3 4 5 Категория: Mahalliy Habarlar | | Теги: mashinasi, Toshkentdagi, ko‘prikda, Yuk, ag‘darildi | Рейтинг: 0.0/0