«Yashindek yopirilamiz». Eron yadro olimining o‘limi uchun qasos olmoqchi

Eron mamlakat mudofaa vazirligining innovatsiya va tadqiqotlar tashkiloti rahbari, yadro-fizik Muhsin Fahrizodning o‘limi uchun qasos olmoqchi.

«Biz shahidning qotillariga yashindek yopirilamiz», — dedi Eron prezidenti maslahatchisi Husayn Dehqon. Uning so‘zlarini «Mehr» agentligi keltirgan.

Eron Tashqi ishlar vaziri Muhammad Javod Zarif Fahrizodning o‘ldirilishini keskin qoraladi.

Eron bunda Isroilning qo‘li borligini istisno qilmayapti. Tegishli tashkilotlardan bunga e’tibor berishlarini so‘ragan.

Avvalroq Eron mudofaa vazirligi Muhsin Fahrizodning o‘ldirilganini tasdiqladi. Xabarlarga ko‘ra, unga qurollangan kishilar hujum qilishgan.