“Barselona” Neymarni sudga berdi

Kataloniyaning “Barselona” klubi braziliyalik hujumchi Neymarni sudga berdi. Bu haqda “Barselona” matbuot xizmati xabar berdi.

Xabarda yozilishicha, “Barselona” Neymardan shartnoma shartlarini buzgani uchun 8,5 million yevro miqdorda pul ta’lab qilmoqda. Agar Neymar yuqorida ko‘rsatilgan summani to‘lamaydigan bo‘lsa, uning o‘rniga futbolchining hozirgi jamoasi PSJ to‘lab berishi kerak bo‘ladi.

“Barselona” Neymarni bekorga sudga bermadi. Biz ushbu ishni o‘z manfaatlarimizni himoya qilish uchun amalga oshirmoqdamiz. Neymar “Barselona” bilan shartnomani 2021 yilgacha uzaytirgandan so‘ng, unda ko‘rsatilgan shartlarni chetlab o‘tgan. Mazkur jarayon Neymarning o‘zi bilan muhokama qilinmasdan o‘tkaziladi”, - deyiladi “Barselona” rasmiy saytidagi xabarda.

Eslatib o‘tamiz, Neymar 3 avgust kuni “Barselona”dan PSJga 222 million yevro evaziga o‘tib, dunyoning eng qimmat futbolchisiga aylangandi.

Akmalxon Eshonxonov