Britaniya korxonalarining yarmidan ortig‘i yopilishi mumkin.

Elektr energiyasi narxi o‘sishi ortidan Buyuk Britaniyadagi har 10 zavodning oltitasi yopilishi mumkin. Bu haqda Bloomberg agentligi xabar berdi.

Agentlikning “MakeUK” tashkilotiga asoslanib bergan ma’lumotlariga ko‘ra, agar hukumat ishlab chiqarishni qo‘llab-quvvatlash bo‘yicha zarur choralarni ko‘rmasa, sanoat sektori yanada chuqur inqirozga kirishi mumkin.

“Hozirgi vaziyat korxonalarni qiyin tanlov oldiga qo‘ydi: ishlab chiqarishni kamaytirish yoki yakun vaqt ichida yordam kelmasa, zavodlarni yopish”, – deyiladi xabarda.

Buyuk Britaniyaning yangi bosh vaziri 5 sentyabr kuni e’lon qilinadi, Liz Trass Konservativ partiya yetakchilik poygasida raqibi Rishi Sunakni mag‘lub etishi kutilmoqda. Hukumat iste’molchilar va korxonalarga global energiya narxining misli ko‘rilmagan o‘sishi bilan kurashishda kengroq yordam paketini joriy qilish kuchli bosim ostida harakat qilmoqda.

Bu hafta “S&P Global” tomonidan e’lon qilingan xarid menejerlari indeksiga ko‘ra, Britaniyaning zavod sektori allaqachon pasaymoqda. “MakeUK” so‘rovi shuni ko‘rsatadiki, hozirda fabrikalarning 13 foizi ish soatlarini qisqartirgan yoki eng yuqori davrlardan qochadi, 7 foizi esa uzoqroq muddatga ishlab chiqarishni to‘xtatmoqda.

“MakeUK” bosh ijrochi direktori Stiven Fipson esa yangi hukumat favqulodda choralar ko‘rishi kerakligi va mamlkat allaqachon o‘zining global raqobatchilaridan orqada ekanini ta’kidladi.