Inson fikrini o‘qiy oladigan sun’iy intellekt yaratildi

Texas universiteti olimlari fMRI skanerlari yordamida odamlarning ongini o‘qiy oladigan sun’iy intellekt yaratdilar. 

Tadqiqotchilar 20 yoshdan 30 yoshgacha bo‘lgan bir ayol va ikki erkak ustida tajriba o‘tkazdilar. Har biri fMRI’ning bir necha seanslarini o‘tkazdi, parallel ravishda podkastlar va radio eshittirishlarni tingladi. Ko‘ngillilar jami 16 soatdan ortiq audio eshittirishlarni tingladilar.

Tomografiya natijalarini olgandan so‘ng, olimlar tasvirlarni miya faoliyatini matnga dekodlaydigan neyron tarmoqqa yuklashdi. Bu qisman audio dasturlarning syujetiga to‘g‘ri keldi.

Tadqiqotchilarning fikriga ko‘ra, sun’iy intellekt inson fikrlarini so‘zma-so‘z yetkaza olmaydi, lekin u aks ettirishning umumiy mavzusini yoki g‘oyasini takrorlaydi.