Kechki ovqatga nimalar tavsiya etilmaydi: vrachlar ogohlantirish bilan chiqdi

Rossiyalik shifokor Sergey Agapkin hamkasbi Mixail Ginzburg bilan kechki ovqatga nimalarni iste’mol qilish tavsiya etilmasligi bo‘yicha ma’lumot berib o‘tdilar.

Agapkinga ko‘ra, kechki ovqat uchun tavsiya etilmaydigan mahsulotlar orasida turli xil marinadlar, tuzlangan bodringlar, kolbasa va qayta ishlangan go‘sht mahsulotlari hamda oq non bor. Mutaxassis tuzlamalar organizmdagi zararli suyuqlikni ushlab turishini ta’kidlagan, shu sabab ushbu mahsulotlarni iste’mol qilganlar «yuzi burishgan holda» tong ottirishadi.

Shuningdek, Ginzburg kolbasa tarkibida juda ko‘p miqdorda tuz borligi sabab «oshqozonni bezovta qilishi»ni ta’kidladi. Va shifokor fikricha, bu gastrit xavfini oshiradi.

Shifokor oq nonning zarar ekanligini tushuntirar ekan, bu yegulikning yuqori glisemik indeksga ega mahsulotligi bilan izohladi.

Inson tanasida insulin miqdori yuqori bo‘lgan uyqu davomida noxush holatlar yuzaga keladi. Shakar tezda so‘riladi, insulin ajralib chiqadi, u har doim kerak bo‘lgandan ko‘proq ajralib chiqadi. Insulinning ko‘pligi ham to‘g‘ridan-to‘g‘ri bir xil arterial gipertenziya, ba’zi o‘smalar rivojlanishiga olib keladi, - deya ogohlantirdi Ginzburg.