Messining PSJdagi kelajagi boʻyicha baʼzi tafsilotlar maʼlum boʻldi

Lionel Messi yana bir necha yilni PSJda oʻtkazishi mumkin.

Parijliklar 35 yoshli hujumchi bilan shartnomani uzaytirish ustida ish boshlashdi, deya xabar beradi jurnalist Adrian Grenye Le Parisien nashriga tayanib.

Argentinalik futbolchiga 2024-yilga qadar shartnoma taklif qilingan, u 2025-yilgacha uzaytirilishi mumkin. PSJ potensial kelishuvning moliyaviy tomoni ustida ishlamoqda.

Qayd etilishicha, Messi shartnoma uzaytirilishiga qarshi emas.

Maʼlumot oʻrnida, argentinalik hujumchi PSJ safida bugungacha jami 49 oʻyinda maydonga tushib, 20 ta gol, 25 ta assistga mualliflik qilgan.