Messining yo‘qligi “Barselona”ga pand berdi

Bugun, 14 may kuni Ispaniya chempionatining 37-turidan o‘rin olgan “Levante” – “Barselona” jamoalari o‘rtasidagi uchrashuv bo‘lib o‘tdi. “Syudad de Valensiya” stadionida bo‘lib o‘tgan o‘yin 5:4 hisobida mezbonlar foydasiga hal bo‘ldi.

Mezbonlar tarkibida Emmanuel Boateng xet-trik qayd etgan bo‘lsa, Enis Bardi dublga erishdi. “Barselona”ning gollariga Luis Suares va uch bor darvozani aniq nishonga olgan Filippe Koutino mualliflik qildi.

Shu tariqa, Messisiz maydonga tushgan kataloniyaliklar ushbu mavsumdagi ilk mag‘lubiyatlarini qabul qilib oldilar.

Ispaniya chempionati, 37-tur.
“Levante” – “Barselona 5:4”.
Gollar: Boateng (9, 30, 49), Bardi (46, 56) – Koutino (38, 59, 64), Suares (71, penalti).

“Levante”: Olasabal, Rober, Luna, Koke, Postigo, Morales (Rochina, 85), Lukich, Kampanya, Bardi, Marti (Lerma, 69), Boateng (Passini, 77).

“Barselona”: ter Stegen, Mina, Alba, Nelson Semedu, Vermalen (Pike, 31), Buskets, Rakitich, Inesta (Denis Suares, 60), Koutino, Dembele (Pako Alkaser, 60), Suares.

Ogohlantirishlar: Vermalen (20), Bardi (22), Boateng (37), Koke (62), Buskets (65), Kampanya (70), Suares (88), Lerma (88), Denis Suares (89), Passini (90), Pike (90), Mina (90).

Akmalxon Eshonxonov