Mirzo Ulug‘bek tumanida fohishaxona saqlagan erkak qo‘lga olindi

Mirzo Ulug‘bek tumanida 30 ming so‘m pul evaziga fuqarolarning jinsiy aloqa qilishlari uchun sharoit yaratib bergan shaxs aniqlandi, deb xabar berdi Toshkent shahar IIBB matbuot xizmati.

2017-yilning 4-avgust kuni taxminan soat 20:30 larda o‘tkazilgan tezkor tadbir davomida Mirzo Ulug‘bek tumanida yashovchi Vladislav Kafizov xonadonda fohishaxona saqlab, 30 ming so‘m pul evaziga fuqaro “D” va “R” larga jinsiy aloqa qilishlari uchun sharoit yaratib berganligi aniqlangan.

Mazkur holat yuzasidan Mirzo Ulug‘bek tumani IIB huzuridagi Tergov bo‘limi tomonidan O‘zbekiston Respublikasi JKning 131-moddasi 2-qismi (fohishaxona saqlash) alomatlari bilan jinoyat ish qo‘zg‘atilib, tergov harakatlari olib borilmoqda.