O‘zbekistonda 2 yanvar dam olish kuni deb e’lon qilindi

O‘zbekiston Respublikasining Prezidenti Shavkat Mirziyoev 2017 yil 2 yanvarni dam olish kuni deb e’lon qilish to‘g‘risida farmoyish imzoladi.

Farmoyishga ko‘ra, fuqarolar va respublika jamoat tashkilotlarining ko‘plab murojaatlarini hisobga olib, dam olish uchun qulay shart-sharoitlar yaratish maqsadida hamda yangi 2017 yil nishonlanishi munosabati bilan 2017 yil 2 yanvar – dushanba dam olish kuni deb e’lon qilindi.