O‘zbekistonga 73 ta elektromobil olib kirildi

2020-yilning 8 oyida O‘zbekistonga xorijdan 73 ta elektromobil import qilingan. Bu ko‘rsatkich o‘tgan yilning shu davri bilan solishtirilganda 53 taga ko‘p.

Davlat statistika qo‘mitasi ma'lumotlariga ko'ra, bu yil Xitoydan – 50 ta, Koreya Respublikasidan – 12 ta hamda Germaniya, Birlashgan Arab Amirliklari, Rossiya Federatsiyasi va Gruziya kabi davlatlardan 11 ta elektromobil import qilingan.

Ma’lumot o‘rnida, joriy yilda import qilingan elektromobillar uchun 1,7 million AQSh dollari sarflangan.