Qashqadaryolik erkak mudhish jinoyatga qo‘l urdi

30-yanvardan 31-yanvarga o‘tar kechasi Qashqadaryo viloyati, Kitob tumani Sevaz qishlog‘ida qotillik yuz bergani aytilmoqda.

Ma’lumotlarga ko‘ra, 1994-yilda tug‘ilgan B.Q. xotini — 1996-yilda tug‘ilgan X.M. ni yarim kechasi uxlab yotgan paytida pichoqlagan.

Mahalla faollarining qayd etishicha, avval ushbu oilada jiddiy nizolar kuzatilmagan. O‘rtada bir nafar farzand bo‘lgan.

B.Q ruhiy kasallik tufayli muntazam davolanib turgani aytiladi.

Holat yuzasidan Qashqadaryo viloyati prokuraturasi tomonidan JKning 97-moddasi bilan jinoyat ishi qo‘zg‘atilgan.