Qozog‘istonda Nazarbaev surati aks etgan o‘n ming tengelik kupyura chiqadi

Qozog‘iston Respublikasi Milliy banki mamlakat prezidenti Nursulton Nazarboyevning surati aks etgan o‘n ming tengelik kupyurani taqdim etdi, deb xabar berdi “Tengrinews.kz” nashri.

Qozog‘iston respublikasi Milliy banki raisi Doniyor Akishev Nursulton Nazarboyevning surati aks etgan o‘n ming tengelik banknotni namoyish qildi. Bu banknotdan 1 dekabrdan boshlab, foydalanish mumkin. 

Bugun tenge dunyoga kelganiga 23 yil to‘ldi. 1993 yilning 12 noyabrida mamlakat rahbari milliy valyutani kiritish haqida xalqqa murojaat qilgan edi.