Rasman: O‘zbekistonda benzin narxi yana arzonlashdi

O‘zbekistonda AI-91 markali benzin narxi arzonlashtirildi va 2020 yilning 13 aprel kunidan boshlab 5600 so‘m qilib belgilandi. Bu haqda “O‘zbekneftgaz” AJ Matbuot xizmati ma’lum qildi.

Mart oyidan buyon UNG milliy brendi ostidagi yonilg‘i quyish shoxobchalari tarmog‘ida benzin va dizel yoqilg‘isi narxlari bosqichma-bosqich pasaytirib kelinmoqda.

Eslatib o‘tamiz, "O‘zbekneftgaz" yonilg‘i quyish shoxobchalari tarmog‘ida bir oy vaqt oralig‘ida dizel yonilg‘isining narxi 500 so‘mga arzonlashdi.

Shuningdek, joriy yilning 26 mart kunidan e’tiboran AI-92 markali benzinning narxi pasaytirilgan edi.