Ronaldu qilmishi uchun keskin jazoga tortildi

“Manchester Yunayted” klubi Krishtianu Ronalduning “Chelsi”ga qarshi oʻyinda qaydnomaga kiritilmasligini eʼlon qildi.

“Krishtianu Ronaldu shanba kuni oʻtkaziladigan “Chelsi”ga qarshi uchrashuvda qaydnomaga kiritilmaydi.

Qolgan tarkib oʻyinga bor eʼtiborini qaratgan va toʻliq tayyorlanmoqda”, – deyiladi klubi bayonotida.

Bunday qarorga kelinishiga katta ehtimol bilan “Tottenhem”ga qarshi uchrashuvda Ronalduning oʻyin tugamasidan maydonni tark etgani boʻlgan.
 

Xabar qilinishicha, Ronalduning oʻzi “Tottenxhm”ga qarshi oʻyinning oxirlarida zaxiradan maydonga tushishni istamagan.

“Shporlar”ga qarshi oʻyindan keyingi matbuot anjumanida Erik ten Xag Ronaldu masalasini ertasi kuni hal qilishini aytgandi.

Shuningdek, The Athletic nashrining xabar berishicha, portugaliyalik yulduz, jamoaning umumiy guruhdagi mashgʻulotlaridan chetlatilgan. Endi Ronaldu yakka holda mashgʻulotlar oʻtaydi.