Rossiyalik mashhur aktyor Aleksey Batalov vafot etdi

SSSR xalq artisti Aleksey Batalov payshanbaga o‘tar kechasi Moskva kasalxonalaridan birida vafot etdi.

Aktyorning do‘sti Vladimir Ivanovning so‘zlariga ko‘ra, u uyqusida vafot etgan.

— Soat 00.00 da u hali tirik edi. Opasi bilan tekshirdik nafas olayotgan edi. Ertalab soat 6 da tekshirganimizda tomiri urmayotgandi,— deydi u.

Aleksey Batalov 2017 yilning yanvarida tos suyagi bo‘ynini sindirib qo‘ygandi, fevralda esa uni operatsiya qilishgan.

Rossiyalik aktyor va rejissyor Aleksey Batalov 1928 yilning 20 noyabr kuni Vladimir shahrida dunyoga kelgan.

Aktyor barchaga “Moskva ko‘z yoshlarga ishonmaydi”, “Uch baqaloq” filmlari orqali yaxshi tanish.