Shavkat Mirziyoevning Prezidentlikka qasamyodi qachon?

4 dekabr kuni O‘zbekiston Respublikasi Prezideti saylovida Tadbirkorlar va ishbilarmonlar harakati – O‘zbekiston Liberal-demokratik partiyasi nomzodi Shavkat Miromonovich Mirziyoevni yoqlab 15 million 906 ming 724 nafar saylovchi yoki ovoz berishda ishtirok etgan saylovchilar umumiy sonining 88,61 foizi ovoz bergani haqida xabar bergan edik.
 
O‘zbekiston Respublikasining saylangan Prezidenti Shavkat Mirziyoev Prezidentlik lavozimini rasman 14 dekabr kuni qabul qilishi haqida xabarlar tarqaldi. Biroq bu haqda rasman ma’lumot berilmagan.
 
O‘zbekiston Respublikasi Konstitutsiyasiga ko‘ra Prezidentilikka saylangan shaxs inaguratsiya marosimida qasamiyod qabul qilganidan so‘ng rasman Prezidentlikka kirishadi.

Muxtorbek Abdullaev