UzAuto Motorsni maqtab chiqqan yigit uzr so‘radi

Avvalroq yosh yigit UzAuto Motors’ni maqtagani uchun tanqidlar girdobida qolgani haqida yozgan edik. Tarmoqlarda kompaniya faoliyatini tanqid qilishni bas qilishni so‘ragan yigitning videosi tarqatilgan edi.

Video tarqalgach yosh yigit ijtimoiy tarmoqlarda o‘ziga nisbatan minglab negativ izohlarni qabul qilib oldi. Shunday ruhdagi izohlarni ko‘rgach yigit yana bir video olishga majbur bo‘ldi.

“Mening intervyum juda katta shov-shuvlarga sabab bo‘ldi, tanqid ostida qolib ketdim, yomon izohlar yozildi. Oldimga kelib GM haqida yaxshi fikrlaringizni bildiring deyishgani uchun men bular haqida gapirdim. Bu sizlarga salbiy ta’sir qiladi deb o‘ylamagandim. Kimnidir hafa qilgan bo‘lsam meni kechirishingizni so‘rayman. Iltimos mening nomimga yomon izoh va so‘kishlarni yozmanglar”, – deydi yigit.