Video: Toshkent shahridagi mashhur kafeda yong‘in chiqdi

Iyul oyi oxirida Toshkent shahridagi benzin va dizel yoqilg‘ilarini saqlash rezervuarlarida yong‘in sodir bo‘lgani haqida xabar bergan edik. Shu vaqtda poytaxtnig Yunusobod tumanida ham ko‘ngilsiz voqea yuz bergani haqida ma’lum qilindi. Omborxonada yuzaga kelgan yong‘in oqibatida hech kim jabrlanmagan.

Shuningdek, 31 iyul kechki soat 19:00 atrofida Shayxontohur tumanida joylashgan xonadonlardan birida yong‘in yuz bergani haqida xabar berilgandi.

Kuni kecha tahririyatimizga Toshkent shahrida yuz bergan yong‘in aks etgan fotosuratlar kelib tushdi. 2 avgustga o‘tar kechasi Mirobod tumanida Oybek metrosi chorrahasida joylashgan “Angels Food” majmuasi yonida yong‘in sodir bo‘lgan. Bir zumda tutun qoplagan hudud mahalliy aholi e’tiborini tortgan. Hozircha mazkur voqea haqida rasmiy ma’lumotlar yo‘q.

Durdona Rasulova